NAGA CITY-Nakumpiskar an haros 1 Million Pesos na kantidad nin ilegal na droga sa Tayabas, Quezon.
Binisto an suspek na si alyas Donato, 55 anyos, residente kan Brgy. Lakawan, Tayabas City, Quezon.
Sa nagunong impormasyon kan Bombo Radyo Naga sa Quezon Police Provincial Office, pig-arestar soboot an suspek makalihis na makabakal igdi an nagpamalo-malong parabakal kan mga awtoridad nin sarong pidasong heat-sealed transparent plastic sachet nin pinagtutubudang shabu.
Kan pigkapkapan an suspek, nakua pa igdi an tolo pang heat-sealed transparent plastic sachet kan pinagtutubudang ilegal na droga.
May kabilugan soboot nin gabat nin 46 grams an nakumpiskar na pinagtutubudang ilegal na droga asin nagkakantidad nin ₱938,400.
Sa ngunyan, pigdara na an suspek sa Tayabas City Police Station para sa magkakanigong disposisyon.
