Ginadan kan mga armadong grupo an haros 200 katawo sa magkakasuhay na massacre sa remote villages sa tahaw asin Hilagang parte kan Nigeria.
Sa central Kwara state, inatake kan mga armadong kalalakihan an komunidad kan Woro na nagwalat nin 170 katawong binawian nin buhay, sigun sa lehislador sa lugar na si Saidu Baba Ahmed.
Ini na an deadliest assault na naikurit ngunyan na taon sa distrito na igwang border sa Niger state, an lugar na pigtatarget kan gunmen na nagsasalakay sa mga village, nangingidnap nin mga residente asin naghahabon nin mga hayop.
Sa suhay na pag-atake sa northern Katsina state, ginadan kan gunmen an 21 katawo, naghaharong-harong an mga suspek asin pinagbabadil an saindang mga biktima, sigun sa local police.
Pigreport man kan lehislador na pinalibutan kan mga armadong kalalakihan an mga residente, iginapos an kamot ninda sa likod asin tulos sindang ginadan.
Sigun ki Kwara police spokesperson Adetoun Ejire-Adeyemi, pinahiro na an police asin military sa lugar para sa search and rescue operation.
Pinagtutubodang jihadists an mga nasa likod kan massacre na nagpe-preach sa village.
Nangapodan an mga ini sa locals na iatras an saindang suporta sa Nigerian state asin magbalyo sa Sharia o Islamic law.
Kan palagan ini kan mga residente, digde na nagpuon na pauranan nin bala kan mga militanteng grupo an mga residente sa kasagsagan kan sermon kan nakalihis na Martes, Pebrero 3.
Huli digde, binalgar an anom na bulang peace deal sa tahaw kan komunidad asin armadong grupo.
Mientrastanto, nakikipagtabangan na an Nigerian authorites sa Amerika tanganing mapahigot an seguridad, alagad pinahimutikan na igwang sistematikong persekusyon sa mga Kristiyano.
