Nakadulag an 281 na preso huli sa mahewasang pagbaha sa Northeastern Nigeria.
Sigun ki Umar Abubakar, an tagapagtaram kan Nigeria Correctional Service, na saindang naarestrar an pito sa mga nagdulag na inmates.
Pigsamantala kaya kan mga inmates makalihis na magrasay an pader kan correctional facilities huli sa mahewasang pagbaha.
Naraot an Medium Security Custodial Center asin magin an staff quarters kan siyudad.
Nagpapadagos an ginigibong pag-arestrar kan mga otoridad sa mga nakadulag na inmates.
An pirang aldaw na mayong untok na pag-uran an nagkawsa man nin mahewasang pagbaha kun saen igwa na nin labi 30 katawo an nagadan.
