Maabot na sa haros 3,000 propwestong ley ay pigsunad kan Senado sa nakalihis na tulong taon sa irarom kan 19th Congress.
Basado sa statistical report kan indexing and monitoring section kan Senado, labi sa 2,200 an naisunad sa First Regular Session, labi 430 kan 2nd regular session asin man haros 290 sa 3rd regular session.
Hasta kan nakalihis na Marso 12, igwa nin labi sa 700 an nagibuhan kan committee report mantang 47 an pigtintaan kan Presidente asin man naisabatas.
Nagkapira sa mga darakulang propwestong ley na dagusang nagin ley iyo an Maharlika Investment Fund, pagpapa-uktaba sa barangay asin SK elections, No-Permit-No-Exam ban, pagtao nin cash incentives sa mga senior citizens na nag abot sa edad na 80, 85, 90 asin 95, pagpapagabat kan padusa sa financial scamming asin mga ley na maprotehir sa West Philippine Sea (WPS).
Mientrastanto, igwang labi sa 1,300 na resolusyon an pigsunad sa Senado kabali na an mga resolusyon na igwa nin koneksyon sa imbestigasyon sa pirang mga isyung pigkaatubang kan nasyon.
