Laoman kan mga motorista an langkaw-presyo na mapakol sa P5 kada litro sa masunod na semana, ini an huli sa nagpapadagos na tensyon sa Middle East.
Sigun sa Department of Energy (DOE) laoman an P2.50 hasta P3 para sa gasolina, P4.30 hasta P4.80 sa diesel asin P4.25 hasta P4.40 para sa kerosene.
An nasambitan ng presyuhan an resulta kan trading sa pangkinaban na merkado sa mga nakalihis na aldaw.
An pinal na price adjustments an iaanunsyar sa Lunes, June 23, asin ipapautob sa aldaw nin Marte.
Pigsaysay kan ahensiya na nabubugtak sa alanganin an pangkinabang merkado huli sa naglalang tensyon nin huli ta posible soboot kaining madannyaran an daloy kan trade sa Strait of Hormuz, an mayor na ruta para sa global oil asin gas shipping.
Apwera digde, nahahadit pa an mga kompanya kan langis sa posibleng pagbali kan US sa giyera na orog pang mapalala kan kariribukan sa pag-ultanan kan Iran asin Israel.
Marurumduman, enot naman na pigsaysay kan DOE na preparado an gobierno na magtao nin fuel subsidies sa mga public utility vehicles enkaso maglala an sitwasyon.
