Preparado na an total na P84.88 milyones na kantidad nin agricultural inputs para sa mga paraoma na apektado kan bagyong Nika, Ofel, asin Pepito.
Segun sa Department of Agriculture (DA), kabali digdi an banhi nin paroy, mais, high value crops, bulong, abono, asin iba pa na agricultural inputs na pwedeng gamiton kan mga paraoma sa pagbawi sa epekto kan bagyo.
Sinda nakaposisyon sa manlaen-laen na rehiyon arog kan Rehiyon kan Ilocos, Cagayan valley, Central Luzon, Western Visayas, Central Visayas, Eastern Visayas, asin Northern Minandao.
An mga fish stocks asin gamit sa pagsira gikan sa Bureau of Fisheries and Aquatic Resources (BFAR) handa na man na ipanaltag sa mga parasira.
Segun sa DA, nagkokondusir man nin assessment asin validation an Philippine Crop Insurance Corporation (PCIC) kan mga insurance claims hale sa mga paraoma na naka-insure na kan saindang mga panano.
Plano kan DA na iheras an siring na ayuda sa mga paraoma sa lalong madaling panahon tanganing magamit. kan mga biktima sa saindang pagrahay sa epekto kan bagyo.
