NAGA CITY- Naitao na an Health Emergency Allowance sa nagkapirang Barangay Health Worker sa Pili Camarines Sur.
Sa nagin entrevista kan Bombo Radyo Naga ki Jerry Canave Barangay Kapitan kan Caroyroyan Pili Camarines Sur, sinaysay kaini na an allowance gikan sa ahensya kan Department of Health an naitao na sa mga Barangay Health Worker sa saindang barangay.
Pigpaliwanag pa man ni Canave na bako gabos na Barangay Health Worker O BHW nakaresiber na kan allowance nin huli ta kabanga kaini nag-aagi pa sa evaluation siring kan nagin performance asin period of time kan serbisyo sa Barangay.
Pigtawan doon pa kan kapitan na antes magheras nin allowance an DOH, nagkapirang bisita pa sa kada health center tanganing masierto an nagin presentation asin structural kaini.
Mientrastanto, nakiulay ini sa mga dae pa nakaresiber na pahewason pa an pagintindi nin huli ta posibleng magkaigwa pa nin panduwang batch.
