Pigkumpirmar kan aktres na si Heaven Peralejo na suhay na sinda kan aktor na si Marco Gallo.
Sa sarong entrevista, pigsaysay ni Heaven na mutual decision an saindang pagsusuhayan.
Sigun ki Heaven, pusog an pundasyon kan saindang ibahan na nagpuon komo mag-amigo.
Katakod digde, makalihis an saindang pagsusuhayan, pigsaysay ni Heaven na maogma ini ngunyan asin nakatutok sa saiyang bagong proyekto na I Love You Since 1892, kun saen piggagampanan kaini an mga karakter ninda Carmela asin Carmelita.
Marurumduma na si Heaven asin Marco an enot na nagkabistuhan sa Pinoy Big Brother: Lucky 7 kan 2016.
Kan Nobyembre 2024, nagin sentro kan pag-urulay an saindang relasyon makalihis na magribayan nin sweet words sa social media.
Alagad mas pinili kan mga ini na mantiniron na pribado an estado kan saindang relasyon sa mga nagsunod na bulan.
Sa ngunyan, si Heaven an naglalaom sa suporta kan saiyang pamilya asin mga amigo para sa saiyang personal na paghilom.
