Aram baya nindo mga ka-bombo, sarong higanteng baseball na kaiba sa tour kan Minor League Baseball stadiums an naibulsa an Guinness World Record sa paagi kan pagguno nin nasa 6,750 na pirma.
An 8-foot diameter replica na baseball nagpuon an tour kan June 24 sa Victory Field, kan Indianapolis Indians asin nagbisita sa nasa 15 ballparks antes na makaabot sa huring destinasyon kaini MLB Flagship Store sa New York.
Pigsuri kan Guinness World Records adjudicator an bola tanganing maaraman kun talagang igwang 6,750 verified signatures an yaon sa surface kaini.
Makalihis an nasambitan ng pagsusuri, digde na naibulsa kan higanteng baseball an titulo para sa igwang pinakadakol na pirma sa sarong single item na sports memorabilia.
Mientrastanto, an dating record na nagpakol sana sa 2,146 signatures an naibulsa man kan Cambridge United Football Club kan nakalihis na taon kan tipunon kan mga ini an saindang mga fans tanganing magpirma sa higanteng inflatable jersey.
