Aram baya nindo mga ka-Bombo, sarong high-altitude daredevil gikan sa Belarus an nakapagrehistro nin Guinness World Record makalihis magsagibo nin sky surfing sa ibabaw kan Mount Everest — naglukso ini gikan sa helicopter sa langkaw na 20,945 talampakan.
Si Olga Naumova, na 15 taon nang nagsasagibo nin sky surfing, an naglukso gikan sa helicopter sa Syangboche, Nepal tangani na masungkit an record para sa pinakahalangkaw na altitude sky surf jump.
Makalihis magluwas sa helicopter sa langkaw na 20,945 talampakan, nagtinir ining kontrolado sa saiyang board hasta sa bukasan an parachute asin salbado na lumapag sa 12,356 talampakan.
Advertisement
