NAGA CITY- Arestado an sarong high school student makalihis na makuanan nin pigtutubudang shabu mantang yaon sa laog ini nin campus kan Nabua National High School sa
barangay San Miguel, Nabua, Camarines Sur.
Sa entrevista kan Bombo Radyo Naga ki PS/Insp. Oscar Pomar, hepe kan PNP Nabua, sinaysay kaini na ipinaabot kan paratukdo na si Rainer Joselito Penis sa saindang hepatura na nakuanan nin pigtutubudang pigpapangalad na bulong an sarong 16-anyos na estudyante kan nasambitang eskwelahan.
Pig-turn over suboot kan security guard kan eskwelahan an sarong sachet nin iligal na droga makalihis na makua ini sa bulsa kan nasambitang estudyante.
Depensa man kan menor de edad na pigtago niya sana an iligal na droga makalihis na mapurot ini.
Sa ngonyan, nagtitinir na sa kustodiya kan Municipal Social Welfare and Development (MSWD) an estudyante mantang nakatalaan pa suboot inng isairarom sa drug test.
