Pinakusog pa kan Department of Health an HIV testing asin counseling sa mga komunidad.
Alinsunod ini sa sugo ni Presidente Ferdinand Marcos Jr. na pahiguton an kampanya asin serbisyo kontra sa HIV.
Simbag kan DOH an dagos-dagos na pagbulong kan PLHIV asin naghahatod nin libreng HIV testing asin counseling.
Sa Family Health Fair kan nakalihis na Oktubre 4 asin 5, nasa 150 na pasyente an naserbisyuhan asin natawanan nin HIV screening, counseling, asin edukasyon dapit sa mga serbisyo sa DOH treatment facilities.
Padagos an pag ako kan DOH nin mga mawot mag-HIV test sa Luneta.
Sa mga serbisyong ini, matinir na private asin confidential an resulta kan nasambitan ng test.
Pagirumdom pa kan DOH na aramon an HIV status sa paagi kan pagpapa-test.
Makakalaom man an Persons Living with HIV (PLHIV) na dagos-dagos an pagheheras kan DOH nin libreng antiretroviral treatment asin iba pang pangangaipuhan kan mga PLHIV para sa management kan saindang kondisyon.
