Pigkokonsiderar pa man ni Senador Risa Hontiveros na mga kaalyado sa Senado sinda Senator Bam Aquino asin Kiko Pangilinan maski kaibahan an mga ini sa majority bloc.
Alagad maski mawot ni Hontiveros na pakusugon an linyada kan oposisyon sa Senado, na kudta na kaibahan an duwang senador, nagtitinir na magkasangga pa man giraray sinda – kaibahan an nagkapirang kongresista sa Kamara.
Prayoridad man kaini komo miyembro kan minority bloc an pakusogon an oposisyon sa luwas kan Senado.Dugang pa kan senadora, pareho pa man an saindang pananaw ninda Pangilinan asin Aquimo sa nagkapirang isyu.
Pigtawan-duon pa ni Hontivers na pinirmaham pa kan duwa an joint resolution lan minority bloc na nangangapodan na bukasan sa publiko an gabos kan deliberasyon kan bicameral conference committee dapit sa pambansang budget.
Enot nang sinaysay ni Hontiveros na proud ini na magtinir sa minority bloc sa irarom kan pamamayo mi Senate Majority Leader Vincent Sotto.
“At peace” soboot ini na liwat magin parte kan minorya, kun saen masirbi ini komo Deputy Minority Leader ngunyan na 20th Congress katuwang si Senator Juan Miguel Zubiri.
Sa huri, sinaysay kan lehislador na nagin mabunga an saindang enot na meeting asin bilog an saindang buot na mag-fiscalize asin magsirbing check and balance komo minorya sa senado.
