Preparado na an House Committee on Justice para sa inisyal na pag-urulay kan mga reklamong impeachment kontra ki Vice-President Sara Duterte.
Sa notice of meeting na ipinadara ni Justice Panel chairperson na si Gerville Luistro sa mga miyembros kan komite asin congressional endorsers, ikukundusir an hearing sa Marso 2, 3 asin 4 sa People’s Center kan Kamara.
Igwa nin apat na impeachment complaints na inaatubang si Vice-Presient Duterte sa Kamara. Kabali sa mga alegasyon an suboot salang paggamit kan P612-M na confidential asin intelligence funds; kwestyunableng yaman; asin sarong pahayag na kun may mangyari saiya, nakaolay na siya nin sarong tawo na soboot magadan ki Presidente Ferdinand Marcos Jr., asin iba pa.
Kabale man sa reklamo an alegasyon ni Ramil Madriaga, soboot bagman ni Vice-Presient Duterte, na an bise presidente soboot nakaresibe nin kwarta hale sa sarong sindikato nin ilegal na droga, asin mga POGO.
