Pinagtibay kan House Committee on Justice an “sufficiency in form” kan mga impeachment complaint na pigsunad ninda De Jesus asin kan grupong pinamamayuhan ni Liza Maza asin iba pa.
Ini an inihayag ni Rep. Gerville Luistro, house committe on justice chairman. Sinaysay ni Luistro na an desisyon an ibinase sa pagkakaigwa nin kumpleto asin awtentikong mga record na kalakip kan mga reklamo.
Ngunyan, papag-urulayan kn komite sa masunod na pagdangog an sufficiency in substance kan mga reklamo.
Inihayag ni Luistro, sa sufficiency in substance susurion kun an mga paratang na nakasaysay sa impeachment complaint an nagibilog kan impeachable offense asin kun an mga nailahad na pangyayari an bastante tanganing magsirbing basehan kan hurisdiksiyon kan House Committee on Justice.
Paliwanag ni Luistro, bakong bastante na igwang pigbabanggit na mga pagkakasala, kaipuhan na matukoy ini asin maikokonsiderar na impeachable offense asin bastante tanganing magin ground of impeachment.
Makalihis an pag-urulay, liwat na maboto an mga miyembro kan komite tanganing desisyonan kun an mga reklamong De Jesus asin Maza et al. an nagpapasar sa parehong pamantayan kan anyo asin nilalaman.
Pigtawan-duon man ni Luistro na an presenteng kabtang an parte sana kan mga paenot na lakdang kan impeachment process.
Sa ngunyan, limitado an pagsusuri kan komite sa mga nakasurat na reklamo asin dae pa nag-aako nin ebidensiya.
Sigun pa sa saiya, an pagdangog sa ebidensiya an magaganap sana kun nagpasa na an mga reklamo sa sufficiency in form at sufficiency in substance.
