Pigluwas na kan Department of Budget and Management (DBM) an huring balanse kan health emergency allowance para sa mga healthworkers na nagserbe kan COVID-19 pandemic puon 2021 hasta 2023.
An nasambitan ng kantedad an nagsasakop sa 1,411,546 claims gikan sa nasambit na taon na pighahalat kan mga Local Government Units (LGU), private health facilities, state universities asin nagkapirang mga institusyon sa manlaen-laen na rehiyon.
Pigsaysay ni Budget Secretary Amenah Pangandaman na naaprubahan na an special allotment release order (SARO) kan Department of Health (DOH).
Kinua an pondo gikan sa Strengthening Assistance for Government Infrastructure and Social Programs (SAGIP) sa irarom kan mga unprogrammed appropriations kan 2025 national budget.
Ini na an huring parte kan Public Health Emergency Benefits and Allowances (PHEBA) na obligasyon kan gobierno.
Pig-enkaminar man kan DOH na tolos na idestrebwer an Public Health Emergency Benefits and Allowances sa mga health sector workers sa orog na marekas na panahon.
