Pigbuyagyag kan Department of Justice na posibleng igwa pang mga lawas an inapon man soboot sa ibang parte kan Taal lake na konektado pa sa ibang kaso apwera sa nawawarang sabungero.
Kun saen ipigheras mismo ni Justice Secretary Jesus Crispin Remulla na igwa sindang impormasyon ngunyan na pighihiling na nagsasabing an pira sa mga lawas na ini an pwedeng konektado sa ‘war on drugs’.
Apwera kaya sa ground zero kan pigsasagibong ‘search and retrieval operations’ sa Taal lake, sigun ki Secretary Remulla, igwa pang ibang palaisdaan an pigkokonsiderar na pina-apunan man soboot kan mga lawas.
Kaya saiya pang ipighayag na sainda ining pig-iimbestigaran huli man ta an pagkakadiskubre digde an iba pa sa imbestigasyon na isinagibo mapadapit sa pagkawarakan mga sabungero.
Mientrastantom katakod man kaini, ipigheras pa ni Justice Secretary Remulla na saiyang ipinagsugo na ipakalot an nagkapirang bangkay sa Batangas tanganing maisairarom sa pag-aadal.
Hurot kaya kaini an tanganing maimbestigaran huli man ta mayong pamilya o kaparientes an nagkua sa mga bangkay na nadiskubre kan nakalihis pang taong-2022.
Apwera man kaya sa mga nawawarang mga sabungero, mawot man na matawan-linaw kan ahensiya an nagkapira pang kaso kan ‘disappearances’ kaibahan an tolong bangkay na saiyang ipinakalot.
Kaya huli digde, ipig-iba soboot kan nasambitan ng ahensiya an pag-iimbestigar mapadapit sa iba pang kaso kan pagkawara na nahihiling na igwang koneksiyon sa naganap na ‘war on drugs’.
Alagad saiya man na pigsierto na sinda an nakatuon sa pigsasagibong imbestigasyon mapadapit sa mga nawawarang sabungero.
Alagad maski nakatutok an Department of Justice sa imbestigasyon sa pagkawara kan mga sabungero, pigtawan-duon kan presenteng sekretaryo na si Secretary Remulla na dae piggigilid an nadiskubreng posibilidad sa pagkakakoneksiyon kan mga nawawarang sabungero sa nakalihis na ‘war on drugs’.
