Pigtawan duon ni Senador Rodante Marcoleta na dapat sa Pilipinas pigsagibo an anuman na paglilitis asin pagpapadusa kun enkaso igwang pagkakasala si dating Presidente Rodrigo Duterte susog sa nag-iiral na mga ley kan nasyon.
Marurumduman, presenteng nakaditine si Duterte sa The Hague Netherlands katakod kan kasong crimes against humanity.
Pigtawan duon kan senador sa ad interim appointments kan 24 na foreign service officials kan Department of Foreign Affairs, dae pigsunod kan International Criminal Court (ICC) an sadiri kaining mga regulasyon asin panundon sa pag-arestrar.
Igwa soboot nag-iiral na domestic law na nagsasabi na maski an mga kasong pigkokonsederar na international crimes an sakop pa man giraray kan hurisdiksiyon kan Pilipinas.
Naglalaom an senador na huli sa responsabalidad ni dating DFA Secretary Enrique Manalo komo Permanent Representative of the Philippines to the United Nations in New York, USA, pwede kaining mahapot asin masuri kun an mga nangyaring proseso an regular o dapat pang tawa nin masusing pag-aadal.
