Pigbasura kan International Criminal Court (ICC) an kahagadan kan kampo ni dating Presidente Rodrigo Duterte na iapelar an naenot nang desisyon na nagsasabing igwang kakayanan ining maghampang sa paglilitis.
Sa desisyon na pigpaluwas kan Pebrero 13, ibinasura kan Pre-Trial Chamber an mga batayang pigbuyagyag kan abogado ni Duterte na nagsasabing pinasipara kan hukuman an mga clinical evidence dapit sa “cognitive depreciation” asin memory impairment”.
Nanindugan an ICC sa desisyon kan Enero 26 na nagsasabi na igwang kakayanan si Duterte na intindihon an mga akusasyon kontra sa saiya asin gamiton an saiyang procedural rights.
Marurumduman na pigtawan duon kan Depensa sa pangengenot ni Nicholas Kaufman na nakadepende an panel sa tolong independent medical expert imbes na sa mga medical reports na nagpapahiling na binalewala kaini an opinyon kan saindang mga eksperto nin mayong paliwanag.
Sa desisyon na pigsurat ni Judge Lulia Motoc, sinaysay kaini na na rason kun tano dae sinda naglalaom sa mga report medikal na pighampang kan Depensa an tanganing masierto na sulamenteng an mga impormasyong gikan sa mga mayong pigkikilingan asin neutral na pinaggikanan sana an isasaalang-alang.
Huli digde, kun kaya nagtitinir na epektibo an desisyon na “fit” si Duterte na mag-atender sa pre-trial stage. Nakatalaan na magpuon an confirmation of charges hearing sa Pebrero 23.
