Pigtawan linaw ni International Criminal Court (ICC) Prosecutor Karim Khan na mayong anuman na rason tanganing mahali ini sa pagdangog sa kaso ni dating Presidente Rodrigo Duterte.
Pigsaysay ni Khan na dagos pa man giraray an kaplanuhan kaini na mangenot komo prosecutor sa kaso.
Pigsabihan na soboot kan Prosecutor an Pre-Trial Chamber na mayong anuman na grounds an makakahali ki Khan.
Ini an kasimbagan kan Prosecutor sa kahurutan kan kampo ni Duterte na i-disqualify ini huli sa bigong pagbuyagyag sa pagkakaigwa nin conflict of interest.
Sigun kaya sa kampo ni Duterte na nagin representative si Khan kan 2018 sa 100 na biktima kan soboot extrajudicial killings sa nasyon.
Paglilinaw kan prosecutor na dae sinda direktang imbwelto sa imbestigasyon asin magin sa pag-interview sa mga biktima alagad nakiparte sinda sa pro bono sa pag-aadal asin pagpresenta ki dating Prosecutor Fatou Bensouda.
