Mapresenter an prosecution sa kasong crimes against humanity charge kontra ki dating Presidente Rodrigo Duterte nin mga witnesses, ribong dahon kan mga ebidensiya asin haros 16 na oras na recordings sa ikukundusir na confirmation hearing kan International Criminal Court.
Sigun ki ICC prosecutor Karim Khan sa pigsagibong imbestigasyon, an prosecution nakakolektar nin signipikanteng volume kan documentary material na nangangaipuhan nin legal review antes na maipaluwas.
Sa presente, an prosecution an igwang 129,358 items o 160,679 pages sa saindang Relativity database, asin nasa poco mas o menos 48,235 items o 100,864 pages na yaon sa ibang database na nasa proseso kan pagpa-register sa Relativity database.
Apwera digde, padagos man an prosecution sa pagdetermina kan kalidad kan written asin non-written documentary evidence na gagamiton sa confirmation hearing.
An nasambitan ng documentary evidence kabali na an non-written items an nakasurat sa orihinal na lenggwahe na English, Tagalog o Cebuano.
Pigsierto kan prosecution an an gabos na material na gagamiton an igwang original language, igwang transcription/translation sa English kun kinakaipuhan.
Dugang pa ni Khan na an prosecution an masumiter nin requests sa Chamber na itago an pagkakabistuhan kan mga witnesses sa May 9, 2025 komo protection antes an ikukundusir na hearing.
Nakatalaan na maghampang an dating Presidente sa September 23 para sa pagkumpirmar kan charges kontra sa saiya.
