Dae maduwa-duwang isip an Independent Commission for Infrastructure (ICI) na imbitaran si First Lady Liza Araneta-Marcos kun igwang bastanteng ebidensiya.
Kasunod ni sa nagin pahayag kan siang John Santander na nagsumiter nin surat na dapat imbestigaran kan ICI an first lady huli sa koneksiyon kaini sa negosyanteng si Maynard Ngu na imbwelto man sa flood control anomaly.
Sigun ki ICI executive Director Brian Keith Hosaka na gigibuhon sana ninda ini kun igwang matibay na basehan dapit sa ulayan.
Kaipuhan muna nindang surion nin marhay an sumbong antes ninda isagibo an imbitasyon.
Sa ngunyan amay pang sabihon o imbitaran si Marcos huli ta kaipuhan pang pag-adalan nin marhay an ‘letter of sentiment’ gikan ki Santander.
Nakasaysay man sa surat an mga ladawan kan first lady asin si Ngu. Si ngu an enot na nadawit na nagin bagman ki Senator Chiz Escudero sa parehas man na ulayan.
