Tiwala an Independent Commission for Infrastructure (ICI) na aabuton pa sinda nin hasta sa duwang taon.
Ini an tanganing tapuson an imbestigasyon sa mga soboot maanomalyang flood control projects sa nasyon.
Sigun ki ICI Chairman Andres Reyes Jr. padagos na magtatrabaho an Komisyon asin gigibuhon an saindang mandato na imbestigaran an maanomalyang infrastructure projects hasta sa dagusang ma-disolve ito.
Dugang pa kan opisyal, aabuton pa sinda nin hasta sa duwang taon tanganing dagusang matapos an imbestigasyon sa flood control anomaly.
Marurumduman, pigsaysay ni Ombudsman Boying Remulla kan nakalihis na semana na nasa saro hasta duwang bulan na sana an ihahaloy kan trabaho kan ICI antes na maibalyo sa Office of the Ombudsman an gabos kan saindang findings.
Mientrastanto, mayo man soboot problema kun dae sinda mahaloy huli ta bibilugon man an sarong bagong komisyon enkaso maipasar an Independent People’s Commission.
