Aram baya nindo mga ka-Bombo, labi an kakilhagan kan mga amo kan sarong ikos asin ido kan mahiling an sweet moment kan saindang mga ataman mantang kaiba an kino.
Pigheras ni Erwin Estoque gikan sa Nueva Ecija, na kakapangaki sana kan saiyang ataman na chihuahua na si “Tiny,” asin nagkaigwa ini nin tulong tuta.
Alagad sarong aldaw, labi na sana an saindang kakilhagan kan mapansin na igwa nin kakaibang kolor na nakaiba sa kulungan kaini. Pig sirip na marhay kan maysadiri an nagin sitwasyon kan mga ataman asin igde kaini nanutaran na kino na palan an sarong kaibahan.
Alagad huli ta bagong pangaki sana si Tiny, minawot na sana ni Edwin na irayo sa saiya an kino na kaibahang magturog kan mga tuta sa kataid kan ido.
Mientrastanto, pig storya man ni Marcos Bangga na amo kan ikos na si “Cooper,” na pigpapabayaan ninda an saindang ataman sa ikatulong palapag kan saindang harong tangani digde magkawat asin maglakaw lakaw.
Alagad sarong aldaw, nakilhag na sana sinda kan magbaba si Cooper gikan sa third floor na may bitbit nang kino.
Alagad imbes man kagaton o kakanon, mahihiling sa video na pigkukugos asin pigdidilaan kan ikos an kino.
Sigun pa ki Marcos, tulong aldaw na kaiba ni Cooper an kino antes man sinda nag desisyon na pahalion an nagin “bisita” kan saindang mga ataman
