Aram baya nindo mga ka-Bombo, dakula an pagkabigla kan sarong driver kan maabutan kaning pano nin gasgas an ipigparada kaining kotse sa sarong iskinita sa Madhya Pradesh, India.
An suspek palan, ido na nagbalos makalihis kaining masagi.
Pagmata soboot kaini kinaagahan, nahiling na sana kaini an saiyang kotse na igwang sangkaterbang gasgas sa atubangan na parte kaini.
Pighiling kan lalaki an CCTV, asin nahiling na duwang ido palan an may pakana kaini.
Alagad mas nabigla pa an may kansadiri kan maaraman kaini na an sao sa mga ido sa CCTV an ido na saiyang aksidenteng nasagi mantang pauli ini.
Nasa marhay na man na kondisyon soboot an ido asin nakadalagan pa ini parayo.
Pwedeng nasundan kan ido an kotse asin nag-iba pa nin saro pang ido tangani sanang balusan an driver.
Nagpakol sa kantidad na $173 o labi P10,000 an danyos sa kotse huli sa mga gasgas na ginibo kan mga ido. Tulos man na nag-viral an video sa social media.
