Nagmando an Department of Transportation (DOTr) na magpaluwas nin show cause order (SCO) kontra sa sarong shipping line sa Zamboanga City huli sa dai awtorisadong pagtaas kan pamasahe.
Segun sa DOTr, an shipping line nagpapabakal nin mga tiket sa presyong 140% na mas halangkaw kisa sa usual na rate.
Sabi ni DOTr Acting Secretary Giovanni Lopez, “Gabos apektado pero dae pwede basta-basta dagdagan an pamasahe nin siring kadakulang kantidad.”
Dawa ngani an mga pamasahe sa dagat dai na nareregulate, dai ini nagtatao nin katanosan sa sobrang paglangkaw kan presyo.
An paglangkaw kan pamasahe daa huli sa krisis sa supply nin lana na dara kan tensyon sa Middle East. Alagad, segun sa Maritime Industry Authority (MARINA) asin DOTr, igwa nin mga polisiya na nagtutugot na mag-imponer nin mga penalidad sa mga shipping lines na nag-iimponer nin fare hike nin labi sa 20%.
