Pigselebrar kan nakalihis na aldaw an ika-58 founding anniversary kan Association of Southeast Asian Nations (ASEAN) sa sarong seremonya sa Jakarta, na inatendiran kan mga lider, diplomat, asin representantes gikan sa manlaen-laeng sektor.
Sa saiyang patara-tara tinawan duon ni Malaysian Prime Minister asin man 2025 ASEAN Chair Anwar Ibrahim na importante an pagkasararo kan ASEAN sa tahaw kan mga hamon sa rehiyon.
Padagos man dapat na mag-invest an ASEAN sa skills, infrastructure, asin institutional capacity tangani masierto an inklusibo asin sustenableng pag-uswag.
Komo parte man kan saiyang pamana antes na ipasa sa Pilipinas an chairmanship sa 2026, pighurot ni Anwar an obheto kan Malaysia para sa sarong “inclusive, sustainable, and broadly-shared growth” sa bilog na rehiyon.
Inanunsyar man kaini a pag-uswag kan paglaog nin Timor-Leste komo ika-11 miyembro kan ASEAN ngunyan na taon. Labi an saindnag pasasalamat na an pagsakat kan Timor-Leste an padagos na sumusulong.
An kusog kan ASEAN an nakasalalay sa pagigin bukas asin man pagtugot kan mga miyembro kaini na suportaran an pag-uswag kan lambang saro.
Kun an Timor-Leste an nagin ika-11 Member-State, an ASEAN an magigin ganap na nagrerepresenta kan gabos nin geographic Southeast Asia.
Liwat pa na binalikan ni Indonesian Foreign Minister Sugiono an pinaggikan kan ASEAN kan nakalihis man na Agosto 8, 1967, kan tintaan kan limang founding members—Indonesia, Malaysia, Thailand, Pilipinas, asin Singapore, an ASEAN Declaration sa tahaw man kan Cold War.
An ASEAN an dae pigbilog sa sarong ideal condition. Para man ki ASEAN Secretary-General Dr. Kao Kim Hourn, an tunay na kusog kan ASEAN an nakaugat sa “commitment to peace, cooperation, and unity in diversity,” na labi pa sa pagigin sarong organisasyong panrehiyon.
Kasabay kan selebrasyon, pigsagibo man an ASEAN Day Food Festival kun saen tampok an mga tradisyunal na putahe gikan man sa 10 kasaping nasyon, Timor-Leste, asin ASEAN External Partners.
Pinangenutan ninda Dr. Kao asin Sugiono an pagbubukas kan festival na taunang pigpreparar kan ASEAN Women Circle.
