NAGA CITY – Pigkundusir kan National Irrigation Administration-Region V an 2-day activity komo parte kan ika-62 na anibersaryo.
Sa entrevista kan Bombo Radyo Naga ki Ma. Cleofe Baraero, Media Relations Officer NIA-Bicol, sinaysay kaini na sa enot na aldaw an para sa mga empleyado na kun saen pigpartisiparan kan mga nagkapirang mga empleyado na gikan pa sa manlaen-laen na probinsya o mga Irrigation Management offices kan ahensya.
Kaomo panduwang aldaw kan selebrasyon, pigkundusir an Kadiwa na kun saen saro sa mga obheto an makapagpabakal nin P29 per kilo na bagas asin P35 per kilo na bagas para sa general public.
Mientrastanto, pig-imbitaran man sa nasambitan ng aktibidad an Department of Agriculture asin mga nagkapirang Irrigators Association tanganin makapag display asin makapabakal man an saindang mga exhibitors kan saindang mga produkto.
Dugang pa kaini, masusunudan soboot an programa, na posibleng isagibo sa manlaen-laen na probinsya o sa mga irrigation offices kan NIA na kun saen pigbukas an saindang Kadiwa.
Dugang pa digdi, pigsagibo an blessing kan mga heavy equipments na ididistribwer sa manlaen laen na probinsya na kun saen igwa ini nin 3 Backhoe, Dump trucks, Self Loading trucks, Coaster asin sarong Tamaraw FX. ini komo parte kan program presenteng administrasyon.
Sigun pa ki Baraero, bako sanang NIA-Region V an nakaresibe kaini kundi sa bilog na nasyon.
Dugang pa kaini na pan Third trench na soboot ini kan Bicol na kun saen kan nakalihis na taon, nakaresibe na ini nin darakulang Backhoe.
Sa ngunyan na nakarisibe nin mga equipment, tiglalaoman na magamit ini urog na sa panahon kan pagpepreparar sa tag-uran arog na kan pag de-silt kan mga kanal na nagiging kawsa kan pagbaha.
