Nakareseber na kan Anti-Money Laundering Council (AMLC) an ika-anom na freeze order gikan sa Court of Appeals sa mga pagsadiri kan mga imbwelto sa anomalya kan flood control projects.
Sigun sa AMLC na an bagong freeze orders sakop an 39 na bank accounts, apat na insurance policies asin 59 real estate properties kabali na an commercial asin agricultural assets.
Dugang pa kan AMLC na an pirang mga real estates assets an gikan sa mga haralangkaw na opisyal kan gobierno na pigtutubudan na imbwelto sa flood control projects.
Sa presente igwang 1,671 na mga bank accounts an na-freeze kan AMLC, kabali na an 58 insurance policies, 163 lunadan, 99 na daga asin 12 e-wallet accounts na nagkakantedad nin bilog na P4.67-bilyon.
Advertisement
Advertisement
