NAGA CITY- Ilang mga pinaniniwalaang pampasabog ang nadiskobre ng isang dating miembro ng cafgu sa Brgy Sisirin Pitogo, Quezon.
Sa nakalap na impormasyon ng Bombo Radyo Naga mula sa Quezon Police Provincial Office (QPPO), nabatid na nadiskobre ni Abelardo Pastoral, 53-anyos, dating meimbro ng CAFGU-59IB at agad na inireport sa mga otoridad.
Nabatid na isang bag na may lamang mga damit, gamot, duyan, utensils, iba pang mga personal na gamit at mga improvised explosive device ang natagpuan sa lugar.
Sa ngayon nasa nai-turn over na sa Provincial Mobile Force Company (QPMFC) ang nasabing mga narekober na kagamitan habang nagpapatuloy pa ang imbestigasyon ng mga otoridad.
