NAGA CITY- Target ni Presidente Ferdinand Marcos Jr., na magin world-class river an Ilog Pasig.
Sigun ki Presidente Marcos, pwede soboot ining magin arog kan Seine River sa Paris France, Thames sa London, asin Chao Phraya sa Bangkok.
Hatod kan Pasig Bigyang Buhay Muli project an pedestrian-friendly infrastructure, green spaces, asin commercial zones na parte kan rehabilitasyon kan salog.
Nagpromesa man an presidente na padagos na aayuson an Ilog Pasig asin target matapos an pagsasaayos kaini sa laog kan tolong taon.
Pig-enkaminar man kaini an publiko na makisumaro sa obhetong paogmahon an Pasig River, na nagsasairarom kan sarong marhay na futuro para sa Pilipinas.
Napag-araman na an pinakabagong Pasig River Esplanade an makonektar sa Jones Bridge pasiring Plaza Mexico asin Fort Santiago sa Intramuros.
