Naga City- Nagpoon na an ginigibong preperasyon kan sarong pamilya na nagsasadiri kan imahe kan nakahigdang Poon ni Hesu Kristo o bistado man sa apod na “Amang Hinulid” na yaon sa Pili, Camarines Sur sa posibleng pagruso kan mga deboto sa saidang lugar.
Sa entrevista kan Bombo Radyo Naga ki Joey Imperial, may-sadiri kan imahe, sinaysay kaini na pigkakarkulong labi sa 300 taon na yaon sa pangangataman kan saindang pamilya an nasambitang imahe asin sinda soboot an pang-anom na henerasyon na nag-aataman digdi.
Dawa na pigluluwas sana ninda an nasambitang imahe tuyong Holy Week, bukas soboot sinda sa mga deboto na mawot na magbisita digdi dawa anong aldaw.
Pigtutubudan man na milagroso an imahe asin nakakatabang suboot para makapagparahay nin helang.
Nilalaoman man ni Imperial na sa Miyerkules Santo, mapuon nang magruso an mga deboto ni Amang Hinulid sa saindang lugar asin posibleng madugangan pa ini sa Biyernes Santo katakod kan tradisyunal na pagkarigos asin pagbubulos sa nasambitang imahe.
