Obligado an mga kawani kan Philippine National Police (PNP) na ideklara enkaso igwa an mga ini nin kapamilya na madalagan sa papaabuton na 2025 midterm elections.
Sigun ki Philippine National Police-Public Information Office (PNP-PIO) Chief Police Colonel Jean Fajardo, parte ini kan saindang Standard Operational Procedure (SOP) tanganing dae magamit an mga kapulisan sa anuman na agendang pampulitika.
Katakod kaini, pigsaysay pa ni Fajardo na nagsasagibo na nin imbentaryo an saindang Directorate for Personnel and Records Management para maibugtak sa lambang place of assignment an mga pulis na may mga kapamilyag madalagan sa eleksyon.
Dugang pa kaini, babawion man suboot an mga police escorts asin kinakaipuhang magbalik an mga ini sa saindang mga respective units.
Mientrastanto, pigpapa-recall na man kan PNP an gabos na police escorts na nakatalaan sa mga politicians asin private individuals na makandidato sa Eleksyon 2025.
