Madidigtaan an imahe kan nasyon enkaso madagos an impeachment case kontra ki Presidente‘Bongbong’ Marcos Jr. asin Vice President Sara Duterte.
Sigun ki Senator JV Ejercito, nakakamundo kun totoong igwang impeachment kontra ki PBBM asin VP Sara.
Alagad maski constitutional duty kan Senado na dangugon an impeachment case kontra sa duwang lider kan nasyon, nahahadit man sinda sa magigin implikasyon kaini pag-abot sa paghiling sa Pilipinas kan international community.
Mapahiling sana soboot ini kan kawaran nin katatagan kan politika sa nasyon.
Pigpunto pa ni Ejercito na nahahampang na an Pilipinas sa flood control scandal tapos sasabayan pa kan impeachment cases kan duwang lider kan nasyon, sierto na mayo ining positibong madadara.
Naiintindihan man soboot kan lehislador na kaipuhan igwang accountability kontra sa mga nagkasala sa gobierno alagad kaipuhan na igwang magibong positibo para sa nasyon.
