Dakula an pagtubod ni dating Supreme Court Senior Associate Justice Antonio Carpio na enkaso talagang mamawoton kan mga lehislador, posibleng magpaapod sinda nin special session para sa impeachment trial ni Vice President Sara Duterte.
Pigsaysay kaini na pwede nindang ihagad ki Presidente Ferdinand Marcos Jr na repasuhon na marahay an General Appropriations Act kan national budget.
Sa nasambitan ng paagi, igwa nin tsansa an mga lehislador na pag-ulayan an impeachment case sa laog nin 20 aldaw.
Alagad aminado ini na madidipisilan man sinda huli sa nakabugtak sa ley na dapat matawan nin 10 aldaw an defense team na ipaliwanag an saindang lado.
