Mayo sa mga kamot ni Presidente Ferdinand Marcos Jr. an impeachment ni Vice President Sara Duterte.
Sigun ki Presidential Communications Office Undersecretary asin Palace Press Officer Claire Castro, maliwanag soboot an sinabi kan Presidente na sa puon pa sana habo talaga nin impeachment nin huli ta posibleng igwang ibang mga legal na paagi tangani mapanimbag an dapat manimbag.
Alagad sa presente, an Bise Presidente ay impeached na, luwas na soboot digde an nasambitan ng Presidente.
Hurot pa ni Castro, mayong kapangyarihan an Presidente sa ano man na impeachment proceeding alagad kaipuhan man giraray na irespeto an due process.
Pigtawan duon pa ni Castro na an taumbayan an mahiling asin man ma husga sa mga tawong nasa laog o posibleng maghiro para sa impeachment trial.
An mga prosecutors dapat man na gampanan an saindang trabaho komo mga prosecutors mantang an mga senador komo judges ay dapat man na gampanan an sandang trabaho komo senators-judges.
Enot na digde, sinabi ni VP Sara na mayong nilalaoman asin man buong tapang na aatubangon an saiyang impeachment trial makalihis na maiproklamar an 12 bagong senador.
Pighurot kaining matinir ining ‘at peace’ dawa ano man an magin kaluwasan kan trial.
Dugang pa ni VP Sara, mayo ining araw kun pano maboto an mga senador asin sala man soboot na bilangon tulos an boto nin huli ta mayo pang mga bastanteng ebidensya na kapot an Kongreso asin man mayo pang naipapahiling an prosekusyon asin man orog pang dae aram kan publiko kun anong klaseng depensa an gibuhom kan saiyang panig.
Pigtawan duon kan Bise Presidente na mawot kaining madagos an trial tangani magkaigwa nin sarong ‘bloodbath’ sa kongreso. Pigsierto kan opisyal na ini asin man an saiyang legal team ay ‘fully engaged’ sa mga preparasyon para sa pinaglalaomang trial sa katapusan kan bulan nin Hulyo presenteng taon.
