Nag-arangkada na an implementasyon kan langkaw-sweldo para sa mga obrero sa gobierno mantang nagpuon naman na iluwas kan Department of Budget and Management (DBM) an mga nakatagamang pondo para digde.
Ini an pigkumpirmar n DBM Sec. Amenah Pangandaman kasunod kan pagtinta ni Presidente Ferdinand Marcos Jr. sa Executive Order No. 64 kan Agosto 2, 2024, na nag-aapruba sa Salary Standardization Law VI para sa gabos kan mga civil service personnel.
Sigun sa DBM, nagpakol na sa P31.93 bilyon an nailuwas para sa 257 na departamento asin ahensya, mantang 58 pang iba an presenteng pigpoproseso.
Basado sa pinakabagong datos soboot kan DBM, an mga pondo para sa salary adjustments an nailuwas na sa manlaen-laen na mga departamento asin ahensya siring kan Congress, Office of the President, Office of the Vice President, Department of Agriculture, DBM, State Universities and Colleges, Department of Education asin iba pa.
