NAGA CITY- Pigtawan-duon kan sarong nutritionist an importansya kan breastfeeding katakod kan Breastfeeding Awareness Month ngunyan na Bulan nin Agosto.
Sa entrevista kan Bombo Radyo Naga ki Joy Raizza P. Ramos- Municipal Nutrition Action Officer Goa, sinaysay kaini na ngunyan na bulan nin Agosto igwa nin tema na, “Closing the Gap for All”, kun sain an obheto kan programa na ini pakusugon an kampanya sa ekslusibong pagpapasuso, asin an mga benipisyo para sa mga ina asin aki.
Igwang nag kapirang mga benipisyo an breast milk kun sain igwa ini nin optimum nutrition, antioxidant, nakakatabang sa pagdevelop kan brain kan aki, tamang nutrisyon na dapat para sa aki, papusugon an immune system kan aki, asin makaiwas sa pagiging obese.
Dugang pa ni Ramos an Rural Health Unit kan banwaan nin Goa, igwa nin mga ipigkundusir na mga information dissemination dapit sa itinataong benepisyo kan breasfeeding sa mga ina asin aki.
Sa ngunyan padagos an saindang kampanya sa pagpaabot kan mga impormasyon na mas makakatabang para sa mga Barangay kun sain nagheheras sa mga magurang dapit sa importansya kan exclusive breastfeeding.
