Pigtawan-duon kan pamayuhan kan Philippine National Police na igwang nagin dakulang papel an mga barangay sa pagsugpo kan ilegal na droga sa saindang komunidad.
Sa sarong pahayag, sinaysay ni PNP Chief, Police General Rommel Francisco Marbil, saro ini sa mga rason kun tano kaipuhan na makakua nin suporta an Barangay Anti-Drug Abuse Council.
Sigun ki Gen. Marbil, makakatabang ini tanganing mapakusog an pagsasagibo nin mga intelligence gathering kan pulisya.
Pighurot pa kaini na nagsisirbing frontliner sa saindang mga anti-illegal drug operations an Barangay Anti-Drug Abuse Council.
Apwera digde, dakulang tabang man ini sa mga user asin pusher na makapagbagong buhay.
An mga miyembro kan Barangay Anti-Drug Abuse Council an nagsisirbing mata sa saindang komunidad tanganing ma-monitor an mga ilegal na drogang pigbabagsak asin pigbebenta sa saindang lugar.
