Nagpasalamat si Bicol Saro Partylist Rep. Terry Ridon kina Presidente Marcos Jr., Transportation Secretary Giovani Lopez, asin LTO Chief Markus Lacanilao makalihis na suspindihon an nakatalaang impounding kan Light electric vehicles (LEVs) siring kan e-bikes asin e-trikes na dapat kudta na mapuon ngunyan na aldaw, Disyembre 1, 2025.
Sigun sa pahayag, importante an lakdang na ini tanganing matawan nin oras an LEV users na makapagpreparar sa pagpapautob asin pag-amyenda kan mga panundonan.
Pigsisiserto kan Kongreso na makikipagtabangan ini sa mga ahensiyang pang-transportasyon tanganing pasimplehon an proseso kan LEV registration asin licensing.
Kaibahan sa mga piglalaomang reporma iyo an: LTO registration para sa LEVs na 50 kilos pataas, LTO driver’s license para sa mga naggagamit kan nasambitan ng LEVs, Mandatory road safety seminar para sa gabos kan mabakal nin LEVs anuman an gabat.
Pigtawan-duon ni Ridon na importanteng pag-urulayan an nasambitan ng asunto tanganing makabilog nin makatarungan asin kapaki-pakinabang na polisiya para sa gabos kan sektor.
