NAGA CITY- Sinabayan nin bakbakan sa pagultanan kan tropa kan gobyerno asin pinagtutubudang mga rebeldeng New People’s Army (NPA) an pagselebrar kan Aldaw nin Katalingkasan na nangyari sa banwaan nin Ragay, Camarines Sur.
Sa impormasyong ipinaabot sa Bombo Radyo Naga ni Capt. Joash Pramis, chief kan Division of Public Affairs Office (DPAO), 9th Infantry Division, Philippine Army, sinaysay kaini na alas-5 nin mag uumagahon kasubago kan makabakbakan kan mga suldados gikan sa bravo company kan 9th Infantry Battalion an mga miyembro kan rebeldeng grupo sa barangay Cabadisan sa nasambitan ng banwaan.
Narekober sa pinangyarihan kan bakbakan an sarong M16 asin M14 rifle.
Sa ngunian, nagpapadagos pa an isinasagibong pursuit operation kan mga militar tanganing madakop an nakadulag na mga rebelde.
