Pigsuhestyon ni Senator Sherwin Gatchalian sa gobyerno an pagtatalaga nin sarong independent industry expert na masagibo nin pag-aadal sa epekto asin man polisiya sa online gambling.
An suhestyon kan senador an kasunod na man kan pagkahadit ni Presidente Bongbong Marcos na mas madidipisilang i-regulate an industriya kun nag-underground an mga ini huli sa pigbubusol na total ban. Hurot ni Gatchalian, an independent industry expert na maadal sa online gambling an dae mapuon sa Philippine Amusement and Gaming Corporation (PAGCOR) huli ta igwa ining pansadiring interes na pig aatamanan.
An pag-aadal na gigibuhon an dapat kaiba an gagamitong teknolohiya na epektibo asin dagusang mag-ba-block nin mga website asin application na nag-aalok nin serbisyo kan online gambling sa nasyon.
Patanid ni Gatchalian, kun mayong gigibuhon an nasyon sa problemang ini, sigurado man na dae na makokontrol an adiksyon sa sugal orog na sa kabo kan mga kajovenan.
