Naikurit an ikaduwang pagkagadan sa presenteng March-May climbing season ngunyan na 2025 sa pinakahalangkaw na bundok sa bilog na kinaban na Mt. Everest.
Ini an makalihis na bawian nin buhay an Indian mountaineer na binistong si Subrata Ghosh, 45-anyos, mantang pababa nin bundok makalihis maabot an tuktok kan 29,000 feet peak kan Mt. Everest kan Huwebes.
Sigun ki Bodha Raj Bhandari kan Snowy Horizon Treks and Expedition, garo napagal soboot si Ghosh asin nagpahiling nin sinyales kan altitude sickness.
Nagsayuman man soboot an Indian mountaineer na magbaba gikan sa Hillary Step.
An Hillary Step an nasa death zone, sarong lugar sa pag-ultanan kan 8,000 metrong langkaw na South Col asin tuktok kan bundok kun saen mayong bastanteng duros asin habab an lebel kan oxygen na nagpapalangkaw nin huma kan altitude sickness.
Marurumdoman, enot na naireport na binawian nin buhay an Pinoy mountaineer na si Eng. Philipp II Santiago sa edad na 45-anyos kan Miyerkules. Antes ini, naka-engkwentro nin avalanche an grupo ni Santiago kaya nagsapo ini nin injuries sa lawgo asin nawaran nin malay.
