Nakatalaan na magbisita sa Ukraine si Indian Prime Minister Narendra Modi.
Sigun sa Ministry of External Affairs kan India, isasagibo an pagbisita sa maabot na Agosto 23.
Mismong si Ukrainian President Volodymyr Zelensky an nag-imbita ki Modi na magbisita sa saindang nasyon.
Ini an enot na pagkakataon na mabisita si Modi puon kan magbungkaras an giyera.
Obheto kan saiyang pagbisita an tanganing mapakusog an relasyon kan duwang nasyon.
Enot na digde, nakaguno nin batikos si Modi kan ini an magbisita sa Russia asin nahiling na pigkugos si President Vladimir Putin.
Naglalaom kaya an India sa Russia sa mga armas na saindang pinagkukuanan.
Pirang beses na man nangapudan si Modi nin ceasefire sa duwang nasyon alagad dae kaini, pigkondenar an ginigibong pag-atake kan Russia sa Ukraine.
