Nagbaba an inflation rate sa Bicol Region gikan 1.7 percent kan July hasta 1.0 percent kan August, sigun sa Philippine Statistics Authority (PSA-5).
Sigun ki Rey Merjilla, chief statistician specialist kan PSA-5, an pangkabilugan na inflation rate kan Rehiyon puon Enero hasta Agosto an nagpakol sa 2 percent.
Katakod digde, an mga pangenot na rason sa pagbaba kan inflation iyo an paharong, tubig, kuryente asin fuel costs na nagbaba man gikan 3.1 percent kan July nagin -0.3 percent kan August.
An Food and non-alcoholic beverages nagbaba nin 0.2 percent kan July asin nagin-0.4 percent kan August, mantang an education services nagbaba gikan 2.7 percent kan July nagin 1.4 percent kan August.
An mga signipikanteng contributors sa inflation iyo an mga restaurants asin accommodation services, personal care asin miscellaneous goods and services, siringman an health services.
An top five na contributors kan inflation kan August an karneng orig, restaurants and cafes, rental costs, asin iba pang pelagic asin freshwater na sira.
Mientrastanto, sa ano na probinsiya kan Bicol Region, an Sorsogon an nakapagrehistro nin hababang inflation rate, kun saen gikan sa 1.8 percent nagin -0.6 percent.
Mangtang an Catanduanes an nakapagrehistro kan halangkaw na inflation rate gikan 2.1 percent nagsakat sa 3.0 percent.
Sa Camarines Norte nakapagrehistro nin 0.4 percent, Albay igwang 1.3 percent, Masbate igwa man nin 0.7 percent asinn Camarines Sur sa 1.2 percent.
