Pig-omaw ni Speaker Ferdinand Martin G. Romualdez si Presidente Ferdinand Marcos Jr. sa nagin lakdang kaini para sa rehabilitasyon kan Marawi City kabali an pagbugtak nin Office of the Presidential Adviser for Marawi Rehabilitation and Development (OPAMRD) sa irarom kan Executive Order (EO) No. 78.
Segun ki Romualdez, an pagtugdok nin OPAMRD sarong importanteng lakdang pasiring sa pagbangon kan Marawi asin sa pag segurar na maitulod an mga programa para sa ikakamaray kan mga apektadong residentes kan syudad.
Kasabay kaini, pigtawan duon man kan lider kan Kamara de Representantes an mga lakdang na pigsagibo kan saiyang kapulungan tangani na maparikas an rehabilitasyon kan Marawi City gikan sa danyos na dara kan 2017 Marawi siege, kabali na an taunan na alokasyon sa pambansang badjet na dae mababa sa P1 bilyon para sa manlaen laen na proyekto asin programa.
Pigsaysay ni Speaker Romualdez na an mga paglalapigot ni Presidente Marcos masairarom sa matinding dedikasyon kan administrasyon na resolbaran an mga haloy ng isyu na nagpahaloy sa dagusan na pagbangon kan Marawi City asin mga kataraid kaining komunidad.
Segun sa lider kan Kamara an pagkriar kan OPAMRD sarong makabuluhang lakdang tangani na masierto na an mga paglapigot para sa pagbangon asin rehabilitasyon kan Marawi, bako sanang mapakusog kundi maparikas asin mas magigin marhay.
Pig punto pa kaini na sa parte kan Kamara, an pig segurar na gikan sa puon kan rehabilitasyon kan Marawi ay mas bastante na pondo asin igwa nin nakatalaan na mekanismo nin pangangasiwa asin pagsubaybay. Dugang pa ni Romualdez, na algad igwa nin mga pag abante na, padagos pa man an mga hamon, kabali na an mga pagkaantala sa mga primerong proyekto pang imprastraktura, pagtatao nin permanenteng paharong, asin pagbabalik kan mga kabuhayan.
Segun pa sa saiya, an pagbilog nin OPAMRD obheto na masimbagan an mga isyung ini sa paagi kan pag kriar nin sarong centralize authority na masararo kan mga lakdang kan gobyerno asin pigsesegurar na an gabos na mga proyekto nakaayon sa pangangaipuhan kan mga apektadong komunidad.
Pig inkaminar man kan lider kan Kamara an pakikisumaro kan mga lokal na stakeholder, pribadong sektor, asin civil society, na segun sa saiya importante sa trayumpo kan OPAMRD.
Pighayag man ni Speaker Romualdez na an Mababang Kapulungan nagtatalaan nin pigkakaipuhan na pondo asin magsumiter nin mga kaukulang ley tangani na pakusugon an mga lakdang kan OPAMRD.
Makikipagtabangan man soboot ini sa Executive branch asin pamayuhan kan BARMM tangani na masierto na an programa sa rehabilitasyon ay makakasimbag sa mga pangangaipuhan kan mga residentes sa Marawi.
