NAGA CITY- Pigtabangan kan Philippine Coast Guard an sarong Chinese national na aksidenteng nahulog mantang lunad kan Chinese vessel na “Shi Dailo,” sa haraning kadagatan kan Zamboanga City.
Huli sa nasambitan ng aksidente, nagkaigwa nin lugad sa saiyang payo an nasambitan ng Chinese National.
Sigun sa National Maritime Center naghagad an barko nin medical evacuation huli ta piglalaoman na maagi ini sa Zamboanga City.
Tulos man na pinakuriyat kan PCG an BRP Capones (MRRV-4404) tanganing isagibo an operasyon. Pag-abot sa Ben Go Wharf, piglipat kan PCG an pasyente sa sarong land vehicle na naghatod sa saiya sa pinakaharaning ospital.
Mantang nagsasagibo, piglinig kan Coast Guard medical personnel an saiyang lugad asin pigsusubaybayan an saiyang vital signs.
Katakod kaini, nag-ani nin samut-saring reaksyon an ginibong ini kan PCG gikan sa publiko.
Paliwanag man kan PCG na an saindang ginibo an pagpapahiling sana kan mga Pilipino nin pagkamakatao sa oras nin krisis asin espiritu kan pagbabayanihan.
