Pigkumpirmar ni Department of the Interior and Local Government (DILG) Secretary Jonvic Remulla na igwa nang inisyu an International Criminal Police Organization (Interpol) na blue notice, na makakatabang para sa pag-aresto ki dating Ako Bicol Party List Representative Zaldy Co.
Target kan inisyung blue notice na makaguno nin dugang na mga impormasyon katakod sa pagkakakilanlan kan sarong indibidwal, saiyang lokasyon o aktibidad katakod sa pigsasagibong criminal investigation.
Mantang sa oras ma ma-isyu man an red notice, gagamiton ini tanganing matunton an lokasyon asin pag-arestar kan indibidwal na wanted o pigsisirbi an sentensiya.
Sa press conference ngunyan na aldaw Nobyembre 24, nahapot an sekretaryo katakod sa report na posibleng nasa sarong nasyon si Co na mayong extradition treaty sa Pilipinas.
Sigun sa sektretaryo na pwedeng igwang ibang pasaporteng kapot si Co sa saiyang pagbiyahe sa luwas kan nasyon asin saindang pigbeberipika pa kun naggagamit ini nin ibang pangaran.
Sa ngunyan, dae pa soboot aram kun saen an eksaktong lokasyon kan dating lehislador.
Naenot na man na inisyuhan nin arrest warrant si Co kaibahan an 17 kapwa akusado kaini katakod sa maanomalyang flood control projects.
