Ipapabakal ni singer na si Billy Joel an saiyang koleksyon nin mga vintage na motorsiklo.

Base sa Gooding Christie’s asin Rétromobile New York Auctions, aabot sa 70 na mga motorsiklo na personal na pag-aari kan singer an ilalagda sa auction.

Gaganapon an pagsubasta sa Nobyembre 20 asin 21 sa Javits Center sa New York City.

Ipapadisplay niya an pipira sa koleksyon sa Christie’s Rockefeller Center hale Oktubre 8 sagkod 12, bago an auction.

Nagkokolekta nin pirang dekada na nin mga vintage bike si Joel

Pinadalagan man niya sa laog nin 15 taon an 20th Century Cycles sa Long Island, sarong shop na nagre-restore asin nag-aayos nin mga motorsiklo.

Mapapaduman sa foundation ni Joel an malilikom sa auction, na nagsusuporta sa mga musikero.