Nakatalaan iluwas an album sa Marso 20, na igwang14 na kanta na may kinaarama sa tapat na mga istoryang mawot iheras kan BTS sa ARMY o saindang mga tagahanga.
Ang pre-orders para sa album mapuon sa Enero 16, alas 11:00 nin pagkaaga, sa South Korea, o 10 a.m. oras sa Pilipinas.
Pagkatapos mailuwas an album, mapuon an grupo kan sarong world tour, na an iskedyul iaanunsiyar sa sa Enero 14.
An mga miyembro kan pinakadakulang musikang grupo kan South Korea paramientras nagpundo sa mga aktibidad komo grupo kan 2022 tanganing ibulos an pansin sa solo projects asin tupadon an saindang mandatory military service, kun saen an pinakahuring album ninda an anthology na “Proof” na pigluwas man kan nasambitan na taon.
Natapos gabos kan pitong miyembro an saindang military service, asin pig-anunsiyar kan grupo an saindang pagbweltada ngunyan na 2026.
Puon kan sinda mag-debut kan 2013, an BTS nagin pinaka-streamed na grupo sa Spotify asin an enot na K-pop act na nangenot sa parehong Billboard 200 asin Billboard Artist 100 charts sa Estados Unidos.
